xm@gz

Runners spend a lot of time in their heads.


Deixar un comentario

UbuntuOne. Cartafoles so na nube

A novidade de esta entrada no blog é que descubrin como NON SINCRONIZAR todos os cartafoles de UbuntuOne. Eso xa estaba ahí 😛 pero para min é novidade.

UbuntuOne é o servizo de almacenamento dos teus documentos e ficheiros en servidores alleos. Servidores alleos a ti, pois son responsabilidade de Canonical. Este servizo é semellante ao de outras empresas pero ten unhas cláusulas (termos do servizo e privacidade) algo menos tendentes a beneficiar exclusivamente ao dono dos servidores. Outras empresas outorganse máis dereitos sobre as túas cousas que pos nos seus servidores.

O asunto é que se tes varios ordenadores podes ter cartafoles sincronizados en todos eles cos mesmos datos grazas a U1 (ubuntuone), pero a veces hai documentos ou ficheiros que non precisas telos en todos os ordenadores ou todos os trebellos que tes conectados a túa conta. Dende hai uns meses existe un aplicativo (app) para android que permite, entre outras cousas e se así o desexas, subir automáticamente todas as fotos que sacas como móbil a túa nube.
Cando instalas este aplicativo, créase na nube un cartafol co nome do teléfono a onde se suben ditas fotos, pero este cartafol non aparece de xeito automático en todos os demáis dispositivos que tes engadidos.
Para que esas fotos estén físicamente no teu ordenador, tes que iniciar o panel de control de ubuntu, ir a pestana “Cartafoles na Nube”, e alí marcar a opción “Sincronizar localmente?”
Panel de control de U1

Esto ven a conto de que podes crear un cartafol na nube pero que non se sincronice con TODOS os trebellos conectados a ela. Na foto de arriba sería o cartafol “NaNube”. Para facer esto, abres o explorador de ficheiros (Nautilus ten intregración con U1); creas un cartafol co nome que queres pero fora do cartafol “Ubuntu One”; menú contextual; opción “ubuntuOne” e clicas en “Sincronizar este cartafol”. Entón crearase na web un cartafol que podes escoller sincronizar ou non co resto de trebellos que teñas.

Unha vez tes dito cartafol no teu anaco de servidor prestado, podes subir alí os ficheiros que queres ter na nube, pero que non necesariamente precisas en todos os sitios desde os que accedes a el.

Finalmente terías algo como ésto:


onde se ve que non todos os cartafoles están sincronizados (o cartafol “Ubuntu One” aparece sempre sincronizado) co equipo local e ademáis aparecen os cartafoles que outros usuarios comparten contigo (con dereitos de edición ou non) e que tamén podes sincronizar localmente ou só acceder a eles na nube.

Todo esto ven bastante ben explicado en este tutorial, pero como casi todo o mundo eu son dos que perde o tempo co método ensaio-erro antes de pasar polo manual de instruccións.

Ah! U1 tamén funciona en ordenadores con sistema operativo de Microsoft.

Ubuntu One é gratuíto ate 5GB pero ten servizos engadidos de pago e posibilidades de ampliacións.


Deixar un comentario

Lido: De qué hablo cuando hablo de correr

Título: De qué hablo cuando hablo de correr (español)
Autor: Haruki Murakami

Portada

En este libro o autor non propón ningún entrenamento, nin pretende motivarte, só conta cómo foi a súa relación co deporte e cómo lle afectou na súa vida. Tamén reflexiona e intenta establecer un símil entre o por qué de certos comportamentos personais, características da súa personalidade e xeito de encarar a vida e o seu traballo, e cómo estas se trasladan ao feito de practicar deporte e viceversa, existe unha mutua influencia entre as dúas facetas.

En moitos dos párrafos calquer corredor habitual vese perfectamente retratado. Só uns poucos compiten contra outros atletas, a maioría competimos con nós mesmos, e ante esto non cabe enganarse a un mesmo nin poñer excusas vanas. Só cabe a honestidade personal. O autor fai gala dun realismo agradable, para o meu gusto. Tamén fala de cómo nos ven os demáis: con escepticismo e incomprensión como primeira reacción, e normalmente con respeto os que te coñecen. Esto digoo eu.

Tamén escapa da darlle certo aire místico ao asunto. Vai na personalidade de cada un, pero eu tamén desdramatizo bastante esto de correr. Respeto que lle poida atopar un lado trascendental, pero eu tomoo polo lado lúdico. E dame a impresión de que Murakami tamén. O cal non quita que nesas sesións longas e lentas che de tempo a ordenar a cabeza. Ao autor dalle tempo para pensar e tamén para coller forzas para seguir coas demáis obligacións da vida.

O libro non é moi grande (leíno nun fin de semana), e a linguaxe é directa e concisa. Non lin outros libros de este autor, pero non fai construccións complicadas nin exercicios de estilo. Debo dicir que algunhas pasaxes do libro parecen forzadas, metidas con calzador. Non é un reproche, xa dende o comezo do libro está explicado cómo foi escrito, polo que non sei se é un recurso estilístico buscado ou simplemente consecuencia de dito xeito de ser escrito.

Agora toca algo de Historia, pero pretendo ler “Nacidos para Correr”, de Christopher McDougall, que parece que ten máis chicha.


4 Comentarios

Lido: Hay Alternativas

Acabo de rematar a lectura do libro Hay Alternativas, escrito por Vicenç Navarro, Juan Torres e Alberto Garzón.

Clica na imaxe para descargalo (legalmente).
Clica para descargar libro en formato PDF

O libro trata de explicar cómo se chegou a actual situación económica, dende as súas causas e os seus causantes, en opinión dos autores. O libro supera os meus coñecementos sobre a materia polo que me costa seguir certos razonamentos, pero en xeral non abusa de conceptos complicados e faise entender.

Comeza pola desregularización bancaria de fináis dos 70 do século pasado como orixe dos acontecementos que actualmente vivimos, e que alcanzaron o seu culmen, ate o de agora, na primeira década deste século. Con respecto aos bancos explican o proceso de expolio de paises enteiros en connivencia coas autoridades políticas. Autoridades en moitos casos totalmente a disposición de ditos bancos para tomar as medidas precisas que garanticen os seu beneficio a costa do empobrecemento das clases populares dos paises, que son quenes sufren ditas medidas.

Explican tamén as, na súa opinión e de xeito argumentado, decisións políticas que tiveron que ser tomadas e posteriormente a deixación de funcións forzosamente necesaria que permiteu fortalecer ditas políticas que establecían e establecen un modelo de sociedade que se axeita aos intereses, fundamentalmente económicos e de poder real, dunha oligarquía dominante. Seguir lendo


Deixar un comentario

Game Of Thrones S02 Casting

En estos libros si algo hai son personaxes novos cada dez páxinas. Así que a empresa encargada de filmar a serie para a televisión está a darlle traballo a moita xente.

Who's this girl? Melisandre.

Cando les os libros creas unha imaxe de cada personaxe un tanto difusa, algo así coma velos a través dun velo. Tes unha imaxe moi nítida da súa personalidade e o que podes esperar del, se o escritor fai ben o seu traballo, pero físicamente a veces costaríache describilos. Polo tanto, cando ves materializarse un personaxe a veces levas unha grande sorpresa.

Stannis Baratheon

As imaxes de arriba son dos actores escollidos para importantes protagonistas do relato, ainda que o aspecto que terán non será ese, sobre todo ela, que puxen esa imaxen porque o que nela se ve non se verá na pantalla, espero.

Levan uns meses filmando en Irlanda os capítulos desa segunda temporada, dende os últimos días de xullo, que se corresponde con libro Choque de Reyes [A Clash of Kings]
[Visto aquí]

Edito: Máis incorporacións.
Edward Dogliani como “Casaca de Matraca” (Rattleshirt) anunciado polo propio George R.R. Martin.

Casaca de Matraca

Algúns máis visto aquí.

Margaery Tyrell


e tamén

Other Game of Thrones: Season 2 cast includes:

Stephen Dillane (John Adams, King Arthur) as Stannis Baratheon and Carice van Houten (Repo Men) as Melisandre. More additions include Liam Cunningham (Camelot) as the onion knight Davos, Natalie Dormer (The Tudors) as Margaery Tyrell, Gwendoline Christie as the knight Brienne, Nonso Anozie as a merchant prince, Tom Wlaschiha as the assassin Jaqen H’gar, Roy Dotrice as a pyromancer, Oliver Ford Davies as Maester Cressen, a maester in service to Stannis Baratheon, Ben Crompton (“Man Stroke Woman”) as Dolorous Edd of the Night’s Watch, and Gemma Whelan as the axe wielding Yara Greyjoy.

visto aquí.