xm@gz

Runners spend a lot of time in their heads.


Deixar un comentario

Berlín, la caída:1945. Antony Beevor

Título: Berlín, la caída:1945 (2002)
Autor: Antony Beevor

Portada


Ante este título, poderíase pensar que estamos ante unha versión ampliada do que conta a wikipedia, pero este autor é coñecido por mostrar un escenario que vai máis aló dos feitos históricos xa coñecidos. Desde que tivo acceso a personal e os ficheiros de documentos desclasificados dos arquivos rusos, puido narrar con detalle e nova perspectiva aspectos claves da primeira parte do século XX. Non só tivo acceso a ficheiros militares, se non a todo tipo de documentación como son partes dos servizos diplomáticos, cartas dos soldados, informes de interrogatorios do NKVD, etc.
Moitos de esos documentos conteñen referencias personáis que dotan ao relato do aspecto humano que o acontecemento histórico asolaga. Seguir lendo


Deixar un comentario

Una historia de la guerra civil que no va a gustar a nadie – Juan Eslava Galán

Título: Una historia de la guerra civil que no va a gustar a nadie (2005)
Autor: Juan Eslava Galán

Portada

Portada

Cando eu estaba na escola, na asignatura de Historia sempre comezábamos estudiando o neolítico e as sociedades cazadoras/recolectoras; despois os exipcios, os romanos (qué fixeron por nos os romanos!?), e así… ate o século XX que en dúas semanas de maio, xa en época de exames, se ventilaba a I República Española, as revolucións de principio de século, a II República e así como quen non quere a cousa nin se nomeaba o advenimiento do réxime franquista. Para qué remexer o pasado?

De ahí o meu interese en este libro: por ignorante. Describe a situación política de España durante os últimos anos da II República así como as circunstancias que se aliaron para que se produxese o alzamento militar que levou a guerra. Describe e explica, baixo o seu punto de vista, pero non xustifica.

Tanto este autor como outros parecen ser da opinión de que as situacións económica, política e social de España en aqueles anos parecían confabularse para que rematase nunha guerra. Todos os actores semellaban estar nunha dinámica de negación do adversario e as súas razóns, xa non como entidade política, se non como suxeito de dereitos lexítimos.

Visto oitenta anos despóis é doado pensar ou imaxinar qué faría un se lle tivese tocado vivir na época, pero as diferenzas socio-económicas son tan diferentes que carece de sentido tal exercicio. Segundo os prexuizos políticos de cada persona, ésta situaríase nun bando, cos seus, cando en realidade e visto con algo de detalle, e coas referencias actuais, resulta ominoso pensar en concordar sen dúbidas ou reparos con calquera dous dous bandos en conflicto.

Polo tanto, opino, resulta noxenta a utilización de argumentos da época para xustificar hoxe en día posicións políticas amparándose en que persisten moitos dos problemas da II República. Existen paralelismos, similitudes, pero que haxa quen lle convén ver fantasmas do pasado, ou peor aínda, traer esos fantasmas para dun xeito populista agrupar aos acólitos podendo así presionar na dirección propicia aos seus interes políticos (económicos no fondo) resulta insultante.

O libro en si mesmo transcurre de xeito lineal durante o período da guerra deténdose en acontecementos e personaxes que tiveron significancia para o desenvolvemento dos feitos así como en algún outro utilizado, grazas a documentación e testemuños máis recentes, como fío narrativo de esos feitos. Contribúen estos últimos tamén a humanizar a guerra, a ver que morría xente con historias propias e non bonequiños nun taboleiro.

Tanto en este libro como en outros vese que foi unha guerra a española, que acabou como acabou pero ben puido ser ao revés, pois a planificación e execución dos plans (por ambos bandos) resultaba cando menos lonxe do que os exércitos modernos estaban xa a facer. Menos os rusos, o abandono da República por parte das potencias europeas estivo e liña co nivel de confrontamento as políticas de Hitler xa en aqueles anos previos a II WW.

Resultan tamén desagradables os que din que se non fose por Franco, por ternos 40 anos metidos nunha dictadura fascista nacionalcristiana, teríamos caído baixo o dominio bolchevique e o longo inverno ruso. Esto é moito supoñer. Máis ben creo que a República non tería sido neutral na WW II, e sabe diós cómo tería afectado esa situación ao futuro de España.


Deixar un comentario

Todo lo que debe saber sobre la I Guerra Mundial

Título: Todo lo que debe saber sobre la 1ª Guerra Mundial: 1914-1918. Las campañas, personajes y hechos claves del conflicto bélico que cambió la historia del siglo XX.
Autor: Jesús Hernández

portada

Con un título así xa supoñía como ía a ser o libro, así que tampouco foi unha decepción. Para o meu gusto resulta demasiado ameno, coloquial e centrado en anécdotas e curiosidades.

Polo menos servíume para contextualizar e facerme unha idea da situación anterior a propia guerra. Políticamente foi unha guerra de alianzas e intereses máis complicada que a WW II.

Militarmente foi a constatación de que a tecnoloxía trocara o xeito de facer a guerra e os estrategas tiñan que facer fronte a este cambio (unhas veces con máis éxito que outras) a marchas forzadas. Non todos comprenderon esto polo xeito en que millóns de soldados foron utilizados durante as campañas.

A intendencia e organización na retagarda son claves para manter o pulso nas batallas e frontes en conflictos de esta escala, moitas veces a aniquilación do inimigo (literalmente) non é posible de xeito directo e físico, tendo que optar polo estrangulamento (metáfora) económico facendo imposible manter o esforozo da guerra. A día de hoxe, matar a distancia e con límites éticos son cousa do pasado grazas ao uso que podemos facer da tecnoloxía aplicada a matar. Esto chámase progreso ¬_¬

A otra cosa mariposa.


Deixar un comentario

Lido: Northumbria, el último reino

Título: Northumbria, el último reino. (The Last Kingdom, 2004)
Autor: Bernard Cornwell

Portada

O libro deixoume un pouco frío, pero lese con facilidade e interese. Digo esto pois non sentín que me poñia de parte de ningún dos personaxes, non me implicaba emocionalmente, polo que lín o libro como una descripción de feitos.

Trátase da autobiografía de Uhtred, un saxón de Northumbria que é raptado polos dinamarqueses con só nove anos pasando a formar parte, por vocación, dese pobo invasor.

Con nove anos xa o rapaz ten moito aprendido da cultura na que foi criado, pero é suficientemente flexible para aprender e adaptarse ao novo xeito de vida sen esquecer quen é. Mellor dito, sen deixar de verse influído pola súa primeira educación.

Estamos no fin do século IX d.C., cando Inglaterra non existe como unidade política, Seguir lendo